|
| 人總要為過去的傷心事而忘記,為過去的記憶留白,別人分手,都不去問原因,就是為自己的記憶留白,好讓自己回憶起的時候,可以加些自己的幻想,把自己放在自己的思想上,活在自己的世界裡,這裡永遠是我的,沒有人可以把思念從我的心內拿走,要浸沒在自己的漩渦入面,把世界都留白,就是理想世界,這很虛無嗎?有沒人聽得明? 不想將日記當日記,男人要記底在日記的不外乎幾樣,女人同成就,但係我有哪樣?這可能就係我不出現在這最大的原因吧,但係想下想下,有些感覺都係講出來比較舒服,有人以前我好多野講,我就同佢講..有苦自己知,真係可笑,自己都不敢相信,我還要假裝落去,以前十句假設有三句係真,到現在我情願說少一點廢話,但願每句都出自內心肺腑之言. 從前不知道原來談戀愛係一個循環,你給了多少,你將比現有的得到更多.要好好調整下自己,接受呢種思想,好好改變自己! 接受了最尊敬的人對自己的批評: 貪玩,唔大唔細,沒安全感,鍾意打機,呢幾點簡直就係致命,亦都打從心底令我覺得,妳不愧為我最尊敬既人(的其中一個,呵呵). 妳放心,知道個問題在哪,以後好辦事,我會點對點消除!! 有點hard sale不好意思~真的很多謝好多朋友對我既忍耐同包容,真係好難得,我又諗起一班同我玩埋幾年既莊員們,有d眼濕濕,但係我一定唔會俾你地睇到既~~ 又一年既光景,下一年我會變成點? | | |
| 今日好難得放假呀,約左晴同輝去左教會搞既wargame團,第一次打wargame真係唔知點唔知路,訓到2點鐘加埋食晏都已經5點幾,但係我地約左5點鐘係牛頭角地鐵站等喎,結果係點都應該估到啦...遲到左囉~_~,又衰左~~ 我一去到mtr已經一大班人,原來有好多都係第一次黎,大家咁話啦,我都係第一次,之後就去觀塘工廠區出發,估唔到地方都好近我屋企,都幾方便丫,第時都可以約人黎玩,去到上面見到有另一班人,又係教會既人啦,但係佢地既look真係好型,個個都好似飛虎隊咁,打得好pro喎,火力仲好猛= =,搞到我有d驚呀,仲係我身邊試槍,陣間想隊死我咩....之後每人都分到一支mp5機槍一個彈匣,一個mask就上場了,分2組先熱身試打15分鐘,一開始我同晴負責守基地對出走廊,已經聽到對頭已經廝殺得好勁,好多人係咁死,係咁中槍,緊住自己又驚中彈喎,所以好好笑,死守唔出,之後有人打開道門就俾我打死左2個敵人喇,勁呀~~~~但係我就俾d亂彈射中手指,係咁流血.....仲似我同某人既命運有d相似....... 第2場轉左打攻喇,係咁同敵人搏火,個一刻真係好man的感覺,始終我覺得要有血同汗先叫做係wargame囉,好似自己真係飛虎隊,最驚係隊友一個一個死,得番自己真係好沒support~!! 沒cover點打上去,最後1分鐘時間要我1打3.....再經過5秒時間....俾人做低左了...今次傷埋右肩...瘀左一塊仲有d拿拿地,不過都係好好玩~~ 第3場玩搶旗game,最快搶到點就win,但係一開始衝左據點就hold死左係度搏火,槍林彈雨得令人恐怖=.=, 我就一粒一粒打,人地就十幾粒咁打,差好多火力喔,最後都係輸左2場..下次一定要嬴!!!! 總結今日係血與汗大搏鬥,大家都玩得好開心,打到10點都仲係好興奮~~好玩!! 聽日仲要去海洋公園...還是一個體力大考驗呢~~~^ ^ | | |
| 14/10 連放7日假期的最後一天,好難得一晚時間約到john,admond,raymond,monkee,5個人去左mk打邊爐,原先諗住8:30pm後入去食可以平日$20蚊,點知大家都覺得等一個小時跟平20蚊不成正比,所以都決定即時入去!!食個夠~~好耐都沒幾隻麻甩佬走埋一齊食飯,幾好傾喎~最慘係john,又腳傷又熱氣又藥物敏感,搞到咩都唔食得,佢食左好多用湯烚既公仔麵,呢餐飯對佢黎講直頭係明屈喇嘿嘿~anyway~ 男人之夜~大~成~功~! 15/10 今日大日子呀,係我返qm既第1天,其實都幾緊張架,唔係因為對新工既憂慮,而係怕第1日遲到,因為真係好遠囉,一出門口食完早餐即刻上mtr架喇,去到中環居然等左30mins先有小巴上,去到qm係9:5am,好彩唔係一去就去報到,要去hr過一過冷河簽約,嚇得我丫,無驚無險,之後去到lab被安排做reception<---指定動作啦~今日是好出名的SOP日,睇manual睇左6個鐘,係我2年黎睇書時間最長的,一次過破哂紀錄喇... 但係入面既人多數係男人,都幾易話為既,特別係smt同佢老婆都同我好好,仲有餐免費飯食tim ^^,我覺得都幾有一個團體既感覺,難怪qm出名啦,都好講teamwork囉~仲有係同事既knowledge....今天總結係高興!!! | | |
| 7/10 仁安last day,好即興咁搵左幾個同事,連埋lab ic,mentor,連阿姐都一齊去大圍既明星打邊爐,起初以為好冷清,點知打落又幾多計傾喎,好明顯大家都係出黎搵食既性格,同一個channel,特別有意思,高興得滯仲飲埋啤酒,明知自己有敏感都唔理咁多,呢d機會真係可一不可再,我諗以後都沒咩機會可以一次搵到咁多人出黎陪我喇,今晚我難忘,好唔捨得,仁安再見~ 12/10 今日同左個大學朋友唱k,原本係4個人,唔知點解兜兜轉轉到最後係2個人去唱~~重拾了上個月既回憶,妳唱既歌仍然係咁好聽,有一種好溫柔和暖的感覺,妳與鄭融比較,我還是覺得妳唱得比她好,that's why想妳一唱再唱,雖然狀態不太好而且只是短短的2個多小時,但係仍然是開心的時刻! 希望以後還有類似的機會吧~ 點解對人付出左都得唔到預期效果,反而俾人覺得我係有所誤會,我一向堅持好多事都係靠交個心出黎,我的確有一剎那有些失望心沉,失望的不是沒有什麼回報,這個我連想都沒有想過,而係佢還是執著於大家的關係,點解唔放開一點,放鬆一點,隨意一點.....咁樣先會相處得開心愉快嘛... | | |
| 昨天國慶做了好多事,去了看魔幻星塵,但花了好多STUPID的時間才有飛睇,,男主角同女主角都好親切,套戲都好好睇,如果好似星星女主角,發心喜樂會發光都不錯呃~~之後同莊員去FIRDAY食野,D野食幾好味BOR,我下次會再找人去的,剛好是時間睇煙花,難得有地方看而且又沒太多人,感覺很好..仲記得幾年前係同女朋友去睇現場國慶煙花,今年又一個轉,但係人就唔同哂,感覺都好唔同,剛好遇著別人的告白事件,心情真有點起伏不定,真係好想..每年陪我看煙花的另一半..會是妳~ | | |
|
|
